Spjaldtölvur í Vífilsskóla
Vorið 2011 fékk Vífilsskóli nýjan efnivið til að nota í námi og kennslu. Skólinn keypti iPad spjaldtölvur og hefur mikið og gott starf verið unnið þar sem nemendur og kennarar hafa æft sig í að nota spjaldtölvurnar í kennslu og námi. Margar tilraunir voru gerðar með smáforrit og kennarar og nemendur lögðu sig fram við að skoða hvað hentar best til að nýta í kennslu við Vífilsskóla.
Það er nokkuð víst að með notkun spjaldtölvu eykst framleiðni nemenda til muna þegar unnið er að verkefnum og annarri starfsemi sem tengist skólastarfinu.
Spjaldtölvan gefur nemendum færi á að skoða og kynna sér fræðilegar auðlindir svo sem kennslubækur, heimildir,fjölmiðla ofl. Einnig verður notkun spjaldtölvu til þess að nemendur tileinka sér sjálfstæðari vinnubrögð og góðar starfsvenjur.
Framtíðarsýn Vífilsskóla
///////////////////////////////////////////////////////////////////////////////////////////////////////////////////////////////////////////////////////////
Vorið 2011 fékk Vífilsskóli nýjan efnivið til að nota í námi og kennslu. Skólinn keypti iPad spjaldtölvur og hefur mikið og gott starf verið unnið þar sem nemendur og kennarar hafa æft sig í að nota spjaldtölvurnar í kennslu og námi. Margar tilraunir voru gerðar með smáforrit og kennarar og nemendur lögðu sig fram við að skoða hvað hentar best til að nýta í kennslu við Vífilsskóla.
Það er nokkuð víst að með notkun spjaldtölvu eykst framleiðni nemenda til muna þegar unnið er að verkefnum og annarri starfsemi sem tengist skólastarfinu.
Spjaldtölvan gefur nemendum færi á að skoða og kynna sér fræðilegar auðlindir svo sem kennslubækur, heimildir,fjölmiðla ofl. Einnig verður notkun spjaldtölvu til þess að nemendur tileinka sér sjálfstæðari vinnubrögð og góðar starfsvenjur.
Það er að sjálfsögðu hlutverk kennarans að leiða nemendur í átt að þessum vinnubrögðum og sýna um leið hvernig við umgöngumst spjaldtölvuna og notum hana sem lærdómstæki. Með því að nota spjaldtölvu erum við að stuðla að forystu í eigin námi nemanda með því að auðvelda aðgang að upplýsingum. Nemendur hafa í höndunum verkfæri sem hjálpar þeim að auka við þekkingu sína og styður við þá í náminu. Það er mikilvægt að kennarinn fylgist með nýjungum og uppfæri notkunarsvið sitt reglulega en það gerir hann með því að deila með samstarfsfólki, hvað er að virka og hvernig við viljum að spjaldtölvusamfélag Vífilsskóla þróist.
Í ágúst 2014 var sett saman markmiðaáætlun í spjaldtölvumálum Vífilsskóla.
Farið var í þá vinnu til þess að börn, foreldrar og kennarar í Vífilsskóla væru að ganga í takt og að markmið skólans í spjaldtölvumálum væru skýr. Hún á að vera kennurum og börnum í Vífilsskóla leiðarljós í átt að breyttum námsháttum. Með aukinni tækni getum við styrkt börn í námi.
Gefum sköunargáfunni lausan tauminn.
Kennum börnum ábyrga netnotkun og gefum þeim tækifæri á að vera sjálfstæði í sínu eigin námi.
Þessi áætlun er hugsuð til 4 ára. Á haustin er farið yfir hana. Bætt og lagað ef það er eitthvað sem yfirfórst.
Vinnum saman að umbreyta námi barna.